MartinH.
ForenJocker
Anmeldungsdatum: 12.03.2007
Beiträge: 148
Wohnort: Hinterau im Berchtsgodner Landl
|
 Verfasst am: Do, 24. Dez. 2009 02:01 Titel: I wünsch eich wirklich scheene Weihnachten
|
|
|
Für`s Guade und Scheene mach klar meine Aug´n,
laß mi ah im kloan drin dei Herrlichkeit schaugn.
Mach mi wach für dei Wort, mach wachsam mei G´hör,
dass i´s allweil glei g´spann, wenn mi braucht irgndwer.
Und wenn i net hörn sollt und sehgn net dein Willn,
dann laß mi´n, wos Not duat, mit´m Herzn derfühln.
Mach stark meine Arm und gib G´spür in da Hand,
dass i hinlanga ko, wo´s wichtig sei kannt.
Laß mi allerweil drandenk´n, dass mein Mund i ned hob
zum Sprüch macha bloß und dass an Unsinn i sog,
sondern dass i, wenn´s sei muaß, ah sog, wos i denk,
und dass i de andern a Freid damit schenk.
Gib, bittschön, für oiß mir as richtige G´spür
und dass i mei Ziel aus de Aug´n net verlier.
Gib ma bunte Farb´n zum ohmoin für dann,
wenn ma oiß grau vorkommt amoi irgendwann.
Bleib, wo i ah hinkomm, ganz in der Näh,
na wead scho oiß guad wean, wohin i ah geh.
(Volksgut) |
|
Eislaufhalle BGD 
